საზღვარგარეთული ოპერაციების პროგნოზი

შვილობილი კომპანიები რომლებიც ოპერირებენ სხვა ქვეყანაში, იყენებენ ადგილობრივ ვალუტას. ამიტომ მათი შეფასება საჭიროებს განსაკუთრებული ნიუანსების გათვალისწინებას.

ამ ჩანაწერში ვისაუბრებ სხვა ქვეყანაში მოქმედი შვილობილი კომპანიის ფულადი ნაკადების პროგნოზირებაზე. აქ ორი მიდგომა არსებობს:

1. Spot-Rate Method - რაც გულისხმობს, ფულადი ნაკადების პროგნოზირებას შვილობილი კომპანიის ადგილობრივ ვალუტაში, შემდეგ დისკონტირების გაკეთებას ამავე ვალუტის შესაბამისი განაკვეთით და ბოლოს, მიღებული შედეგის კონვერტაციას დედა კომპანიის ვალუტის მიმდინარე კურსით;
2. Forward-Rate Method - გულისხმობს, ფულადი ნაკადების პროგნოზირებას დედა კომპანიის ვალუტაში, რაც დაფუძნებული იქნება შესაბამის Forward გაცვლით კურსებზე. შემდეგ კი ამ ნაკადების დისკონტირებას დედა კომპანიის ვალუტის შესაბამისი განაკვეთით.

მნიშვნელობა არ აქვს რომელი მეთოდის გამოყენება მოხდება, საბოლოო შედეგი უნდა იყოს ერთიდაიგივე.

იმისთვის რომ ორივე ვალუტაში გაკეთებული გაანგარშებებით ერთიდაიგივე შედეგი მივიღოთ, აუცილებელია, რომ წინასწარ გაკეთდეს გაცვლითი კურსების გაანგარიშებები, რომელიც დაეყრდნობა ინფლაციისა და საპროცენტო განაკვეთების შესაბამის მონაცემებს. არ შეიძლება გაცვლითი კურსების ზეპირი პროგნოზირება, რადგან ეს აუცილებლად გამოიწვევს ცდომილებებს.

ცხრილში მოცემულია თუ როგორ კავშირშია ერთმანეთთან, საპროცენტო განაკვეთები, ინფლაცია, გაცვლითი კურსები და შესაბამისად ორივე ვალუტაში გაკეთებული ნომინალური და რეალური ნაკადები, რომელთა დისკონტირება ერთიდაიგივე შედეგს იძლევა.

აქ ორი ძირითად ჰიპოთეზასთან გვაქვს საქმე:

• ფიშერის ეფექტი - რომელიც ამბობს, რომ ნომინალური საპროცენტო განაკვეთი წარმოადგენს რეალური საპროცენტო განაკვეთისა და ინფლაციის ჯამს, ფურო სწორად:

(1+f_[t]) = (1+R_[t]) * (1+i_[t])

• Interest Rate Parity principle - რომელიც ამბობს, რომ ფორვარდული გაცვლითი კურსები უნდა უდრიდეს, არსებული გაცვლითი კურსისა და მოცემული ვალუტების ნომინალურ საპროცენტო განაკვეთების თანაფარდობის ნამრავლს (უფრო მარტივია ვიდრე ჟღერს)

X_[t] = X_[0] * {(1+r_[f]) / (1+r_[d])}

მოკლედ, ზემოთ მოცემული ცხრილი, ამ ფორმულებით არის აწყობილი და შესაბამისი ექსელის მოდელი აქ არის:

მოდელში მოცემულია როგორც ეს ცხრილი, ისე აქ არსებული ფულადი ნომინალური და რეალური ნაკადების დისკონტირება ორივე ვალუტაში.

წყარო:

Valuation, Measuring and Managing the Value of Companies - by McK.&Co, T. Koller, M. Goedhart, D. Wessels