შეიძლება თუ არა კონკრეტული პროექტის შეფასებისას გამოვიყენოთ იგივე WACC, რაც ორგანიზაციის შეფასებისას?

პირველ რიგში, ყურადღება მისაქცევია ის ფაქტი, რომ ჭკვიანი ინვესტორები უფრო ხშირად იყენებენ ინდუსტრიის WACC-ს ორგანიზაციის შეფასებისას, ვიდრეთ თვითონ ორგანიზაციისას, რადგან საშუალო ინდუსტრიული ციფრები კარგად ასახავენ ბაზრის რისკებს და ლევერეჯის ოპტიმალურ დონეს;

შემდეგ, ვინაიდან WACC-ზე, პირდაპირ და ცხად გავლენას ახდენს საგადასახადო ნაწილი, ის ცვალებადია ლევერეჯიდან გამომდინარე. თუ შესაფასებელი პროექტი, საშუალო სტატსიტიკური პროექტია ორგანიზაციის ფარგლებში მაშინ მიზანშეწონილია იგივე WACC-ის გამოყენება, მიუხედავად იმისა პროექტი სესხით ფინანსირდება თუ კაპიტალით. ასეთ შემთხვევაში კომპანია სესხს იღებს თავის ზოგად აქტივებთან მიმართებაში და არა მხოლოდ კონკრეტული პროექტიდან გამომდინარე, რომლის ლევერეჯი შეიძლება კომპანიის წიაღშივე მოკლე ვადაში შეიცვალოს;

ხოლო, თუ პროექტის სისტემური რისკები და ლევერეჯის დონე გრძელვადიან პერიოდში განსხვავებულია ორგანიზაციის ტიპიური საქმიანობიდან მაშინ უნდა მოხდეს WACC-ის ადაპტაცია (როგორც ქვემოთ გრაფიკზეა). აქ მარტივი ფორმულების გამოყენებაა საჭირო, რომელსაც არ ჩავუღრმავდები.

პ.ს.
არსებობს APV (adjusted Present Value)-ს მიდგომა. შესაძლებელია ცალკე დათვალო PV, მოცემულ WACC-ით და ყველა ის ეფექტი რაც დამოკიდებულია დაფინასების სტრუქტურაზე (საგადასახადო, დისტრესის ალბათობა, ასიმეტრიული ინფორმაცია) ცალკე დაადისკონტირო. ამის საჭიროება ხშირად ჩნდება როცა პროექტები სხვადასხვა ქვეყნებში და პირობებში ვითარდებიან.

აშშ-ში ინდუსტრიების მიხედვით ლევერეჯების და WACC-ების ციფრები შეგიძლიათ ნახოთ ამ ბმულზე (თუმცა საქართველოში ამის პირაპირ გადმოღება არ შეიძლება, ქვეყნის რისკის გამო – ეს ცალკე საუბრის თემაა).

https://pages.stern.nyu.edu/~adamodar/New_Home_Page/datafile/wacc.html

ფოტოს და მოსაზრებების წყარო:
Principles of Corporate Finance – by F. Allen, R. A. Brealey, & S. Myers