შესყიდვა აქციით თუ ფულით

შერწყმა-შესყიდვა შეიძლება განხორციელდეს, როგორც ფულით ასევ ახალი კომპანიის აქციების გადაცემის გზით. რა განსხვავებაა?

როცა ფულით ხდება შესყიდვა, მაშინ ტრანზაქციის მთელ რისკს ინაწილებენ შემსყიდველი ორგანიზაციის აქციონერები. აქციებით შესყიდვის შემთხვევაში კი ტრანზაქციის რისკი ნაწილდება გამყიდველი ორგანიზაციის აქციონერებზეც.

რა რისკზეა საუბარი? საუბარია იმაზე რომ შესყიდვისას შესაძლებელია ზედმეტად მაღალი პრემიუმის გადახდა. როცა ერთი ორგანიზაცია ყიდულობს მეორეს, მას ესმის რომ საბაზრო ფასზე მეტს იხდის, მაგრამ აქვს იმედი რომ შესყიდვის შემდეგ მიიღებული სინერგიული ეფექტით, გაზრდის ჯამური ორგანიზაციის ღირებულებას, დააკომპენსირებს გადახდილ პრემიუმს და მოგებაც დარჩება... თუმცა ეს სათქმელად უფრო იოლია ვიდრე გასაკეთებლად.

გამყიდველი ორგანიზაციის მოტივაციაა, დაფაროს გარკვეული ნაკლები, შეალამაზოს დადებითი მხარეები, იმ მიზნით რომ მეტად გაყიდოს საკუთარი თავი... ამიტომ როცა ტრანზაქცია ქეშის ნაცვლად აქციებით ხდება, ეს "შელამაზებები" გამყიდველის ჯიბეზეც ახდენს გავლენას.

გარდა ამისა ქეშით იქნება თუ აქციებით, შეთავაზება იძლევა გარკვეულ სიგნალებს ბაზრისთვის. თუ ქეშით ხდება, მაშინ შემსყიდველი ორგანიზაციის მენეჯმენტი იძლევა სიგნალს, რომ დარწმუნებულია გადაწყვეტილებაში. ხოლო თუ აქციებით ხდება შესყიდვა, გამოდის სიგნალი რომ შესაძლოა მენეჯმენტი აქციების შინაგან ღირებულებას საბაზრო ღირებულებაზე დაბლა ხედავდეს...

ქვემოთ ცხრილში მოცემულია ჰიპოტეტური მაგალითი, რომელიც აჩვენებს რისკის გავლენას როგორც გამყიდველის ისე მყიდველის აქციონერების ღირებულებაზე, ქეშისა და აქციებით გაკეთებული ტრანზაციების შემთხვევაში. მარცხენა სვეტი აჩვენებს მდოგამერობას, როცა სინერგიული ეფექტი არც თუ ისე კარგია (100 მლნ. $), მარჯვენა სვეტი აჩვენებს შემთხვევას როცა სინერგიული ეფექტი კარგია (200 მლნ. $)...

ფორმულები თუ გაინტერესებთ: Excel File

წყარო:

Valuation, Measuring and Managing the Value of Companies - by McK.&Co, T. Koller, M. Goedhart, D. Wessels