R&D კაპიტალიზაცია

ფინანსური კანონმდებლობით, ორგანული ზრდის პროცესში წარმოშობილი არამატერიალური აქტივების (მათ შორის R&D-ის) ბალანსზე აყვანა არ ხდება, არამედ ხდება პირდაპირ ხარჯებში გაწერა, რაც ორგანიზაციის რეალურ ფინანსურ სურათს ამახინჯებს.

R&D-ის ხარჯებში გაწერა, ზრდის საწყის ეტაპზე აჩვენებს უარყოფით, შემდგომ ეტაპებზე კი ძალიან მაღალ ROIC-ს, მაშინ როცა რეალური ეკონომიკური ციფრი სადღაც შუაშია.

ქვემოთ გრაფიკზე გამოსახულია, წიგნში განხილული მაგალითი, რომელიც აჩვენებს თუ როგორ იცვლება ROIC-როცა ვახდენთ R&D-ის კაპიტალიზაციას ნაცვლად იმისა რომ პირდაპირ ხარჯებში ჩამოწეროს. შედეგად გრაფიკზე ჩანს რომ ROIC 33%-ის ნაცვლად 10%-ია (ასევე იხ. Excel-ის ცხრილი).

კაპიტალიზაცია ნიშნავს, ისტორიული ციფრების აღდგენასაც, და R&D ხარჯების ნაცვლად R&D Amortization-ის დარიცხვას. რაც შეცვლის როგორც რეორგანიზირებული ბალანსის ისე მოგებაზარალის მუხლებს. ამასთან, მიუხედავად იმისა რომ ფულადი ნაკადები ისტორიულად განსხვავებული არ იქნება, მომავლის პროგნზებში შეიძლება ცვლილება მივიღოთ. ამას განაპირობებს გაყიდვებზე მიბმული R&D ხარჯების ნაცვლად, გაყიდვებზე მიბმული ნეტო ინვესტიციის ფიქსირების მიდგომა.

გარდა ამისა, როცა ხდება R&D ხარჯებში გაწერა, მენეჯერებს შეუძლიათ მოკლევადიანი მანიპულაციებით (R&D-ის ხარჯვის შემცირებით) უკეთესი შედეგი აჩვენონ, მაშინ როცა კაპიტალიზაციის შემთხვევში ასეთის შესაძლებლობა ქრება.

თანაც, როცა R&D ხარჯები მიბმულია შემოსავლებზე (მაგ. შემოსავლების 5%), გაყიდვების შემცირების შემთხვევაში მარჟა არ იცვლება სურათი ისევ შელამაზებული რჩება, ხოლო კაპიტალიზაციის შემთხვევაში R&D-ის ამორტიზაციის ხარჯები გაყიდვებზე მიბმული არ არის.

ერთი კითხვა რომელიც ცოტა რთული პასუხგასაცემია ეხება ამორტიზაციის ვადებს, - რამდენ წელიწადში უნდა მოხდეს R&D-ის ამორტიზირება? პასუხი ამ კითხვაზე სპეციფიურია თუმცა როგორც დიაგრამაზე (Exhibit 24.6) ჩანს, არც ისე დიდია შეცდომის დიაპაზონის გავლენა ROIC-ზე, ამიტომ ეს თემა სანერვიულო არ არის.

და ბოლოს,

ყურადღება მისაქცევია ის ფაქტი რომ ყველა არამატერიალური აქტივის კაპიტალიზაცია მენეჯერული ანგარიშგებისთვის არ არის მიზანშეწონილი, და ამანაც შესაძლებელია შექმნას მანიპულაციის ინიციატივები. მაგალითად, შეიძლება კაპიტალიზაცია მოხდეს ისეთი ხარჯების რომლებსაც მომავალზე რეალურად გავლენა არ აქვს, და შემდეგ დროში გაიწელოს ბალანსიდან ჩამოწერა, უფორ კარგი მომგებიანობის ჩვენების მიზნით.

R&D-ის კაპიტალიზაციის გამო ფინანსური ანგარიშების რეორგანიზაციის მოდელის ექსელის ფაილი არის აქ:

წყარო:

Valuation, Measuring and Managing the Value of Companies - by McK.&Co, T. Koller, M. Goedhart, D. Wessels