პორთფელში ურისკო აქტივების პორციის არსებობას, თითქმის იმავე სიზუსტით შეუძლია პორთფელის ღირებულების დაზღვევა როგორც Put ოფციების ყიდვას.
დივერსიფიცირებული საინვესტიციო პორთფელის ღირებულება შეიძლება დავაზღვიოთ შესაბამისი ინდექსის Put – ოფციის ყიდვით (დეტალურად: Portfolio Insurance with Index Option), თუმცა, გამომდინარე იქედან რომ შესაძლებელია Put ოფციის რეპლიკაცია შესაბამისი რაოდენობის აქციებისა და ურისკო ობლიგაციების სინთეზით, შესაძლებელი ხდება დაზღვევის უზრუნველყოფა სინთეთიკური ოფციებითაც.
რატომ უნდა შექმნა სინთეთიკური ოფცია თუ ფინანსური ოფციის ყიდვა შეგიძლია?
პირველი იმიტომ, რომ შესაძლოა ვერ ნახო ისეთი ოფცია, რომელიც შეესაბამება დაზღვევის საჭიროებას აღსრულების ფასით და ვადებით, და მეორე იმიტომ რომ ზოგჯერ ფინანსურ ოფციებს აქვთ ლიკვიდობის პრობლემები, რასაც სინთეთიკური ოფციებით ვირიდებთ.
სანამ სინთეტიკურ ოფციაზე გადავიდოდეთ, გავიხსენოთ ოფციის შეფასების რეპლიკაციის მეთოდი. ქვემოთ ცხრილში მოცემულია, რომ ოფცია რომლის აღსრულების ფასი 530$-ია, მოვლენების განვითარების A, B ვერსიების შემთხვევაში იძლევა იმავე ფინანსურ შედეგს, როგორსაც შესაბამისი რაოდენობის აქციების დაშორტვა და თანხის ინვესტირება ურისკო აქტივებში. შესაბამისად ოფციის ფასი უნდა იყოს იგივე, როგორიც იქნებოდა მისი შედეგის რეპლიკანტი პორთფელის ღირებულება (უფრო დეტალურად: Portfolio Replication Method).
შესაბამისად, თუ PUT = T-Bill – Δ Stock, მაშინ დაზღვეული პორთფელი:
Stock + PUT = Stock + (T-Bill – Δ Stock) = T-Bill + (1-Δ)*Stock
ვნახოთ მაგალითზე:
დავუშვათ, რომ გვაქვს აქციებისაგან შექმნილი 90 მლნ-ის ღირებულების პორთფელი და გვსურს რომ დავაზვიოთ 87 მილიონიან ქვედა ზღვარზე:
(ევრპული Put ოფციის დელტა ითვლება ასეთი ფორმულებით – იხ. ექსელის ფაილი*):
მაგალითიდან ჩანს, რომ საჭიროა აქციების ღირებულების 32.15%-ის გაყიდვა და ამ ფულის შესაბამის ვადიან ურისკო აქტივში ინვესტირება.
მნიშვნელოვანი შენიშვნები:
სინთეთიკური ოფციით დაზღვევის მეთოდი მოითხოვს რეგულარულ ბალანსირებას, თუ ფასი მიდის ქვემოთ, მაშინ ურისკო აქტივის წონა პორთფელში იზრდება და პირიქით:
სინამდვილეში სინთეთიკური ოფცია, ფინანსური ოფციის ზუსტ რეპლიკაციას მოახდენს მხოლოდ იმ შემთხვევაში თუ აქციებსა და ურისკო აქტივის შორის რებალანსირება ხდება უწყვეტ რეჟიმში (რადგან აქციის ფასის ცვლილება ცვლის ოფციის დელტას (Gamma რისკი). ამიტომ, ამ მეთიოდით დაზღვევა მით უფრო უახლოვდება ფინანსური ოფციით დაზღვევას რაც უფრო ხშირად ხდება რებალანსირება.
ამასთან, პირიქითაც შეგვიძლია მივუდგეთ საკითხს – შეიძლება არ გავაკეთო პორთფელის რებალანსირება, მაგრამ დავაკვირდე არსებული ბალანსისთვის როგორია შესაბამისი ფინანსური ოფციის (Strike) აღსრულების ფასი – ანუ სად გადის ჩემი დაზღვევის ზღვარი.
და ბოლოს, ყურადღება მისაქცევია ის ფაქტი, რომ ფინანსური ოფციის შემთხვევაში ოფციის ღირებულებას იხდი თავშივე, სინთეთიკური ოფციის შემთხვევაში კი ასეთი გადასახადი არ არსებობს, მაგრამ ის მაინც აისახება იმ ალბათურ მოგებაზე უარის თქმაში, რომელიც აქციების პორციის წილის შემცირებით არის გამოწვეული.
ადაპტირებულია წყაროდან:
Options, Futures & Other Derivatives, John C. Hull