ნაგულისხმევი ზრდის განაკვეთი

რა შეცდომა შეიძლება დაუშვა სხვისი პროთფელის რეპლიკაციისას?

საკმაოდ დიდია ცდუნება იმისა რომ იყიდო აქცია, რომელიც ცნობილი ინვესტორის პორთფელშია. რატომაც არა? ბილი აკმანს ან ვორენ ბაფეტს ხომ დიდი გამოცდილება აქვთ, ფლობენ ზღვა რესურსებს სწორი გადაწყვეტილების მოსამზადებლად და ასევე (ნუ იტყვით და) შანსი იმისა, რომ ინზაიდერულ ინფორმაციას ფლობდნენ საკმაოდ დიდია.

საქმე იმაშია რომ აქციის ყიდვა ერთია და სწორ ფასად ყიდვა მეორე. მნიშვნელობა აქვს არა იმას რომ ბერკშირ ჰატვეის პროთფელში ეიპლის წილი ძალიან დიდია, არამედ იმას თუ როდის და რა ფასად მიიღო ბაფეტმა ყიდვის გადაწყვეტილება.

მეორეს მხრივ შეიძლება ვიფიქროთ, რომ რადგან დღეს და ამ წამს ცნობილი ინვესტორი არ ყიდის მოცემულ აქციას, ეს ნიშნავს, რომ მოლოდინები პოზიტიურია, და ხშირად ასეც არის მაგრამ პრობლემა იმაშია რომ გამოცდილი ინვესტორები გრძელვადიან გადაწყვეტილებებს იღებენ.

მათთვის მხოლოდ ორი რამე არის მნიშვნელოვანი, რა გადაიხადეს დღეს და რა ეღირება 5, 10 ან 50 წლის შემდეგ. შუაგზაში კი აქცია შეიძლება ხან დაუფასებელი ხან გადაფასებული იყოს სამართლიან ფასთან მიმართებაში (უფრო გადაფასებული ვიდრე დაუფასებელი).

ამიტომ თუ ღრმა ანალიზის დრო არ არის და სხვისი პორთფელის რეპლიკაციას გადავწყვეტთ, ყურადღება უნდა მივაქციოთ იმას თუ როგორი იყო ფასების დინამიკა მას შემდეგ, რაც ამ სხვამ ეს კონკრეტული აქცია იყიდა..

პირადად ჩემთვის საკონტროლო პარამეტრია ზრდის მოლოდინი (Implied Growth Rate), რომელიც ბაზარს აქვს კონრეტულ აქციასთან მიმართებაში. გამომდინარე იქედან თუ როგორია ორგანიზაციის ნორმალიზებული მოგება, უკუგება ინვესტირებულ კაპიტალზე და რისკზე დაფუძნებული დისკონტირების განაკვეთი, შესაძლებელია დავასკვნათ, რა გრძელვადიანი ზრდა უნდა ქონდეს აქციას, რომ დღევანდელი ფასი გაამართლოს:

ფორმულა ადაპტირებულია წიგნიდან: Value: The 4 Cornerstones of Corporate Finance - McK&Co., T. Koller, R. Dobbs, B. Huyett

ამ ფორმულის გამოყენების უმარტივესი, ერთ გვერდიანი ექსელის მოდელი: Implied Gr - Excel