ნაგულისხმევი რისკის პრემია

Implied Equity Risk Premium - შედარებით თანამედროვე მიდგომაა ფინანსებში, რომელიც ცვლის საინვესტიციო ფილოსოფიასაც და პერსპექტივასაც...

ნაცვლად იმისა, რომ კაპიტალის რისკი შევაფასოთ ისტორიული ციფრებით, შესაძლებელია მის შესახებ ბაზრის მოლოდინებით დავასკვნათ მარტივი გორდონის მოდელიდანაც კი (სხვა ვერსიებიც არსებობს - ROE, დეფოლტის სპრედი, ოფციების ცვალებადობა..).

Value = Div(1) / (r-g)

გამომდინარე იქედან თუ როგორია მოსალოდნელი დივიდენდები, აქციების ფასები და მოსალოდნელი ზრდის განაკვეთები, შეიძლება დედუქციური დასკვნა გაკეთდეს იმის შესახებ თუ რა პრემიას მოელის ინვესტორი გაკეთებული ინვესტიციიდან.

უფრო გართულებულ, და რეალურ ვერსიაში შესაძლებელია აქციების გამოსყიდვების სტატისტიკის ინტეგრირებაც დივიდენდების ნაწილში... ფორმულებს აღარ გავართულებ, თუ უფრო დეტალურად გაინტერესებთ, პროფესორი დამოდარანის ნაშრომი შეგიძლიათ ნახოთ ამ ბმულზე:

https://lnkd.in/di7qAvRq

თქვენს ყურადღებას გავამახვილებ რამოდენიმე მნიშვნელოვან მომენტზე:

1. ისტორიული სტატისტიკით და დედუქციური დასკვნით მიღებული ციფრები ერთმანეთისგან განსხვავდება, რადგან ისტორიული სტატისტიკა ასახავს რეალურ ისტორიულ პრემიას, ხოლო დასკვნით მიღებული ბაზრის მოლოდინს. მაგალითად, როცა აქციების ფასები პერიოდის რაღაც მონაკვეთში იზრდება, ისტორიული სტატისტიკა მაღალ პრემიას აჩვენებს, სინამდვილეში კი ამ დროს ინვესტორები ნაკლებად ფრთხილები არიან და რისკის ფასი მცირდება...

2. როგორც აღმოჩნდა "ნაგულისხმევი" (Implied) პრემია, უფრო უკეთესად წინასწარმეტყველებს მომდევნო პერიოდის რეალურ პრემიას (76%-ანი კორელაციით), ვიდრე ისტორიული. ამიტომ უკეთესი წინასწარ-მეტყველებისთვის Implied Risk Premium-ის გამოყენება, უფრო რაციონალური გადაწყვეტილებაა;

3. ნაგულისხმევ პრემიუმს Standard Error-ის შესამცირებლად არ სჭირდება ათეულობით წლების ისტორიული სტატისტიკის ანალიზი. ის მშევნივრად მუშაობს მოკლე პერიოდებზეც და იძლევა უფრო ღრმა ანალიზის საშუალებას სეგმენტური და ინდუსტრიული ბაზრებისთვისაც...

4. 2012-21 წლებში, აშშ-ს ბაზრის საშუალო ნაგულისხმევი პრემია (Implied Equity Risk Premium) - 5.35%-ია*.

*Equity Risk Premiums (ERP): Determinants, Estimation, and Implications – The 2022 Edition Updated: March 23, 2022 Aswath Damodaran; Stern School of Business