ერთი მტკივნეული კითხვა, რომელიც ორგანიზაციის შეფასებისას ჩნდება, არის ის თუ როგორ დავაპროგნოზიროთ ROIC სტაბილური ზრდის ფაზაში? მაგალითად, თუ ჰორიზონტის შემდგომ რეალურ ზრდას 0%-ს ავიღებთ, როგორც ეს შემთხვევათა უმრავლესობაში ლოგიკურია, ხომ არ ვიღებთ წონასწორობას – ROIC=WACC?

საქმე იმაშია, რომ Terminal/Horizon Values – დათვლისას ჩვენ ვაკეთებთ დაშვებას რომ კომპანიამ მიაღწია სრული კონკურენციის ეტაპს, დადებითი NPV პროექტები თითქმის შეუძლებელია რომ მოიძებნოს, და ამიტომ ზრდა ჩერდება… ხდება მხოლოდ რეინვესტირება ფუნქციონალური სიმძლავრეების შესანარჩუნებლად, ნარჩენი კი ინვესტორებს უბრუნდებათ…

მაგრამ თუ ახალი პროექტების NPV ნულია, მაშინ ROIC=WACC-ს?

პრაქტიკაში ეს ასე არ არის ორი მიზეზის გამო:

1. ზღვრული და კუმულაციური ROIC ერთმანეთისგან განსხვავდება, როცა ზღვრულ ინვესტიციაზე უკუგება WACC-ის ტოლი ხდება კუმულაციური ჯერ კიდევ მაღალია და ეს შეიძლება წლები გაგრძელდეს;

2. ბუღალტრული ROIC-ი განსხვავდება ეკონომიკურისგან, თუნდაც “არაბუნებრივი”ამორტიზაციის გრაფიკის ან აქტივების საბაზრო ფასების ცვლილების გამო.

როგორ უნდა გადაწყდეს პრობლემა?

კარგი ამბავი ის არის, რომ აკადემიკოსები გვიდასტურებენ ბუღალტრულ და ეკონომიკურ ROIC-ს შორის მყარ (P<5%) კორელაციას.

ამასთან, შეგვძლია მონტე-კარლოს სიმულაციის მეთოდის გამოყენება. ჩვენ ვიცით, რომ სტაბილური ზრდის პერიოდში ROIC[H], სადღაც მიმდინარე WACC-სა და ROIC-ს შორის იქნება… = randbetween(wacc,roic)

თუ უფრო დაზუსტებული ციფრი გვინდა, მაშინ მოგვიწევს შესადარებელი ორგანიზაციების მოძებნა შესაბამის ინდუსტრიაში და დაკვირვება…