[:en]Mergers & Acquisitions[:]
შერწყმის გავლენა WACC-ზე
ორგანიზაციების შერწყმისას, ძალიან იოლია სინერგიულ ეფექტებზე ბჭერმეტყველური საუბარი, მაგრამ რთულია ამ ეფექტების რეალური პროგნოზირება ფულადი ნაკადების სახით...
კარგ შემთხვევაში ასეთი ოპერაციების მოტივაციის წყაროს სტრატეგიული მიზნები წარმოადგენენ. სინერგიულმა შედეგმა ასახვა უნდა ჰპოვოს ან შემოსავლების (Scale, Scope, cross-selling...) ან ხარჯების ნაწილში (GOGS, ინვენტარი, ფიქსირებული ხარჯები, საწარმოო სიმძლავრეები...). ფინანსისტები ცდილობენ ამ სინერგიული ეფექტების გაწერას და მის შეფასებას შესაბამისი ხარჯების გამოკლებით...
მოკლედ, ამოცანაა სინერგიული ეფექტების ფულადი ნაკადებში გამოსახვა, პროგნოზირება და დისკონტირება. თუმცა აქ კიდევ ერთი საინტერესო მომენტია, რომელიც ყურადღების მიღმა რჩება ხოლმე - გაერთიანებული ორგანიზაციის რიკის და შესაბამისად WACC-ის ცვლილება.
არ იგულისხმება რისკის შემცირება დივერსიფიკაციის ჭრილში. ეს ბაზრისთვის საინტერესო არ არის, რადგან ნებიმიერ ინვესტორს შეუძლია დივერსიფიკაცია გააკეთოს დამოუკიდებელი ინვესტირების გზით.
შერწყმის შემთხვევაში რისკის შემცირება შესაძლოა გამოწვეული იყოს საოპერაციო ან ფინანსური ლევერეჯის ცვლილებით.
მაგალითად, თუ შერწყმამ გამოიწვია ფიქსირებული ხარჯების წილის შემცირება ჯამურ ხარჯებში, მაშინ საოპერაციო რისკი შემცირდება... ერთია მოსალოდნელი ფულადი ნაკადების პროგნოზირება, და მეორეა ამ ნაკადების რყევის დიაპაზონის დამოკიდებულება ბაზარზე ანუ აქტივების ბეტა...
შერწყმამ ასევე შეიძლება შეცვალოს ოპტიმალური ფინანსური ლევერეჯის დონე და მოგვცეს საგადასახადო დანაზოგები. მაგალითად, შეიძლება შეამცირდეს ბანკროტის ალბათობა და ამ ალბათობიდან გამომდინარე მოსალოდნელი ბიუროკრატიული ხარჯების მოლოდინი, რაც გაზრდის ოპტიმალურ ლევერეჯის დონეს და შეამცირებს WACC-ს.