ასევე, ოფციონის ფასსა და საბაზო აქტივის ფასს შორის დამოკიდებულება წრფივი არ არის. ამ დამოკიდებულების გამრუდების ხარისხს განსაზღვრავს გამა (Gamma). იგი არის მეორე რიგის წარმოებული, რომელიც გავლენას ახდენს ოფციონის ფასის მგრძნობელობაზე მაშინ, როცა აქციის ფასი ფართო დიაპაზონში იცვლება. (მცირე ცვლილებების შემთხვევაში დელტა საკმარისია, რადგან გამრუდება მნიშვნელოვან გავლენას არ ახდენს.)
რაც უფრო დიდია გამრუდება, ანუ რაც უფრო მაღალია გამა, მით უფრო ძლიერად მოქმედებს აქციის ფასის ცვლილება ოფციონის ფასზე, და შესაბამისად, მით უფრო მნიშვნელოვანია გამას გათვალისწინება რისკის ჰეჯირებისას.
მნიშვნელოვანია გვესმოდეს, რომ აქციის საკუთარი გამა ნულის ტოლია, ანუ პორტფელში აქციების დამატება ან გამოკლება პორტფელის გამას არ ცვლის. სხვა სიტყვებით, პორტფელის გამა ოფციონების გამების ჯამია, ამიტომ მისი განეიტრალება შესაძლებელია ოფციონების გამოყენებით.
თუ განვიხილავთ ერთ აქტივსა და ერთ ოფციონს, დავინახავთ, რომ გაყიდული (short) ოფციონის გამის განეიტრალება შესაძლებელია იმავე ოფციონის ყიდვით, რაც პრაქტიკაში აზრს მოკლებულია; თუმცა ეს მიდგომა მნიშვნელობას იძენს მაშინ, როცა საქმე გვაქვს ერთსა და იმავე საბაზო აქციაზე დაწერილი სხვადასხვა ოფციონის პორტფელთან. ასეთი პორტფელის გამა, ისევე როგორც დელტა, ადიტიურია.
ერთსა და იმავე საბაზო აქტივზე დაწერილი ოფციონები შეიძლება განსხვავდებოდეს სტრაიკით, ვადით, ტიპითა და რაოდენობით; პორტფელი ასევე შეიძლება მოიცავდეს ფიუჩერსებსაც.
ამასთან, როცა პორტფელს ემატება ოფციონი იმისთვის, რომ იგი გამა-ნეიტრალური გახდეს, პორტფელის დელტაც იცვლება (რადგან დელტაც ადიტიურია).
ამიტომ, რომ პორტფელი კვლავ დელტა-ნეიტრალურ მდგომარეობას დაუბრუნდეს, საჭიროა შესაბამისი ცვლილება განხორციელდეს საბაზო აქტივის/აქციის ყიდვა-გაყიდვით.
გამა ითვლება შემდეგი ფორმულით:
N′(d1) – ნორმალური განაწილების სიმკვრივის ფუნქცია (Excel-ში – The Greeks).
ოფციონის გამა მაღალია, როცა ოფციონის ფასი სტრაიკის ფასს უახლოვდება.
ასევე, ვადის ამოწურვასთან მიახლოებისას გამა მცირდება პროპორციულად, თუმცა სხვადასხვა ტრაექტორიით.
წყარო:
Options, Futures & Other Derivatives
You must be logged in to post a comment.