ტრეიდერები დერივატივების შესაფასებლად, ურისკო საპროცენტო განაკვეთად ეყრდნობიან LIBOR-ს (London Interbank Offered Rate). პრობლემა იმაშია რომ განაკვეთები ხელმისაწვდომია მხოლოდ 12 თვის ფარგლებში (ამასთან, 2021-23 წლებში LIBOR-ის ჩანაცვლება მოხდა სხვა განაკვეთებით სხვადასხვა ქვეყნებში).
რაში გვჭირდება ნულოვან კუპონიანი ბონდების ნაგულისხმევი განაკვეთების ცოდნა?
ეს განაკვეთები საჭიროა სხვადასხვა ვადიანი ფულადი ნაკადების შესაფასებლად, – ისინი წარმოადგენენ შესაბამისი პერიოდის ნაკადების დისკონტირების განაკვეთებს. ანუ, ნულოვან-კუპონური განაკვეთი ნიშნავს იმ საპროცენტო განაკვეთს, რომლის მიხედვითაც ერთი კონკრეტული მომავალი გადახდა (ერთჯერადი ნაკადი) ფასდება დღეს.
როცა საუბარია ბონდზე, რომელიც რაღაც პერიოდულობით იხდის კუპონს, ჩვენ გვჭირდება დიკონტირების განაკვეთი ყველა შესაბამისი პერიოდისთვის.
თუ შესაფასებელი ფულადი ნაკადების პერიოდი აღემატება 12 თვეს მაშინ საჭიროა ამ მრუდის გახანგძლივება, ანუ დამატებითი პერიოდებისთვის სწორი საპროცენტო განაკვეთების გამოყვანა. ამისთვის 2 წლამდე პერიოდში იყენებენ Eurodollar Futures-ებს, და უფრო ხანგძლივი პერიოდისთვის SWAP-ის განაკვეთებს. მიღებულ გახანგძლივებულ მრუდს SWAP Zero Curve-ს უწოდებენ.
Eurodollar Futures-ები გვაძლევენ ბაზრის მოლოდინს მომავალი 3-თვიანი LIBOR-ის შესახებ, რაც მრუდის 1–2 წლამდე პერიოდზე გაგრძელების საშუალებას იძლევა, რადგან ლოგიკა იგივეა, ქვემოთ ჩვენ ვისაუბრებთ SWAP-ის განაკვეთების გამოყენებაზე.
მრუდის გახანგძლივება ხდება ნაბიჯ-ნაბიჯ. მაგალითად თუ ვიცით სამი 6 თვიანი პერიოდის საპროცენტო განაკვეთი, გამოგვყავს მეოთხე პერიოდის. ამაში კი გვეხმარება შესაბამისი ხანგძლივობის SWAP განაკვეთის ცოდნა. არბიტრაჟიდან გამომდინარე 4 პერიოდის ნაკადების დისკონტირებამ ცალცალკე ნულოვანი ნაკადებით უნდა მოგვცეს იგივე ღირებულება, რაც ამ პერიოდის SWAP-ის განაკვეთით მიიღება:
Excel – Zero Coupon SWAP Rates
პ.ს.
რადგან Interest Rate Swap-ი წარმოადგენს ფიქსირებული და ცვლადი პროცენტის მქონე ბონდების მომავალი ფულადი ნაკადების გაცვლას, გამოშვებისას ითვლება რომ ამ ბონდების ღირებულება ერთმანეთს უდრის. ამასთან, ცვლადი საპროცენტო განაკვეთის მქონე ბონდის ნომინალური და საბაზრო ღირებულება ერთიდაიგივეა, რადგან დისკონტირების და კუპონის განაკვეთები ერთმანეთს ემთხვევა. ამის გამო Swap-ის განაკვეთი გამოდის ისეთი განაკვეთი, რომლის შემთხვევაში swap-ის ფიქსირებული მხარის ღირებულება ზუსტად უდრის ნომინალს — იგივე პრინციპით, როგორც par yield ბონდში
ეს ლოგიკა იძლევა ზემოთ მოცემული განტოლების დადასტურების საშუალებას. შედეგად, მიღებული მრუდი აჩვენებს ყველა მომავლის თარიღისთვის შესაბამის ნულოვან კუპონურ განაკვეთებს და გამოიყენება ყველა დერივატივისა და ფულადი ნაკადების დისკონტირებისთვის…
წყარო: Options, Futures & Other Derivatives, John C. Hull
You must be logged in to post a comment.